गोव्यात इंधनाचा तुटवडा नाही, अशी माहिती गोवा पेट्रोल डीलर्स असोसिएशनचे अध्यक्ष नरहर ठाकूर यांनी पत्रकारांशी बोलताना काल दिली. गोव्यातील इंधन डेपोंमध्ये सध्या सुमारे 15 दिवसांचा प्रमाणित कार्यान्वयन साठा राखला जातो आणि पुरवठा नियमितपणे पुन्हा भरला जातो. राज्यात इंधनाची उपलब्धता सामान्य आहे. पंतप्रधान मोदींनी इंधन बचतीसाठी केलेल्या अलीकडील आवाहनामुळे जनतेमध्ये काही प्रमाणात चिंता निर्माण झाली आहे. तथापि, गोव्यात इंधनाचा तुटवडा नाही. त्यामुळे नागरिकांनी घाबरून जाऊ नये, असेही त्यांनी स्पष्ट केले.