काश्मीरच्या काही भागांत काल ईद सणानिमित्तच्या प्रार्थना झाल्यानंतर निदर्शक व सुरक्षा दलाचे जवान यांच्यात संघष निर्माण झाला. निदर्शकांनी जवानांवर मोठ्या प्रमाणात दगडफेक केल्याचे वृत्त आहे. मात्र त्यात कोणी जखमी झाल्याचे वृत्त नाही.
राज्यात ठिकठिकाणच्या इदगाह, मशिदी व अन्य धार्मिक जागांवर नमाज पठण तसेच प्रार्थनांसाठी भाविकांनी मोठ्या संख्येने उपस्थिती लावली. मात्र प्रार्थना संपल्यानंतर सुरक्षा दलांवर निदर्शकांकडून दगडफेक झाल्याचे सांगण्यात आले. उत्तर काश्मीरच्या सोपोर व दक्षिणेतील अनंतनाग या भागांमध्ये अशा घटना घडल्या. नौहट्टा परिसरात तोंडावर बुरखे घातलेल्या निदर्शकांनी हातात जैश ए महमद या दहशतवादी संघटनेचे म्होरके मसूद अझर व झकीर मुसा यांची छायाचित्र असलेले बॅनर हातात घेतले होते. निदर्शक दगडफेक करीत असतानाही सुरक्षा दलांनी परिस्थिती संयमाने हाताळली असे सूत्रांनी सांगितले. राज्याच्या अन्य भागांमध्ये परिस्थिती शांततापूर्ण होती.
Sign in
Welcome! Log into your account
Forgot your password? Get help
Password recovery
Recover your password
A password will be e-mailed to you.