देशात सुधारणांची एक प्रेरणा सुरू झाली आहे. केलेले बदल भारतातील धाडसी आणि प्रतिभावान तरुणांना अभिव्यक्तीने भरलेले एक मुक्त आकाश प्रदान करत असून हा युवा शक्तीचा अर्थसंकल्प असल्याचे पंतप्रधान नरेंद्र मोदी यांनी सांगितले. अर्थमंत्री निर्मला सीतारामण यांनी सादर केलेल्या अर्थसंकल्पावर पंतप्रधान मोदी बोलत होते.
पुढे मोदी यांनी, हा अर्थसंकल्प सुधारणांना नवी चालना देईल. अर्थसंकल्पात उच्च भांडवली खर्च आणि उच्च वाढ यांचा मेळ असल्याचे सांगितले.

आम्ही फक्त सर्वात वेगाने वाढणारी अर्थव्यवस्था असण्यावर समाधानी नाही. उलट, आम्हाला लवकरात लवकर तिसरी सर्वात मोठी अर्थव्यवस्था बनायचे आहे. हा अर्थसंकल्प अफाट संधींचा महामार्ग असून युवकांना प्रेरणा देणारा असल्याचे मोदी म्हणाले.
पायाभूत सुविधा मजबूत करण्यासाठी अर्थसंकल्पात अनेक मोठी पावले उचलण्यात आली आहेत. कोणत्याही देशाची सर्वात मोठी संपत्ती म्हणजे त्याचे नागरिक आणि आम्ही यामध्ये गुंतवणूक केली असल्याचे मोदी म्हणाले.

रोजगार निर्मितीला चालना मिळेल. आपल्या देशातील 100 दशलक्षाहून अधिक महिला स्वयं-मदत गटांशी संबंधित आहेत. महिला-नेतृत्वाखालील गटांची व्यवस्था तयार करण्यावर अर्थसंकल्पात लक्ष केंद्रित करण्यात आले आहे. भारत विस्तार ॲपमुळे शेतकऱ्यांना माहिती मिळवणे सोपे होईल असे मोदी यांनी सांगितले.