>> विद्यमान रुग्णसंख्या २५१७
राज्यात चोवीस तासांत नवीन २९० कोरोना पॉझिटिव्ह रुग्ण आढळून आले आहेत. कोरोना रुग्णांची एकूण संख्या ४२,५३२ एवढी झाली असून सध्याच्या रुग्णांची संख्या २५१७ एवढी आहे. कोरोना मृत्यूची एकूण संख्या ५८२ झाली आहे.
राज्यात आणखीन ३४३ कोरोना रुग्ण बरे झाले आहेत. बरे झालेल्या रुग्णांची एकूण संख्या ३९४३३ एवढी झाली आहे. कोरोना रुग्ण बरे होण्याचे प्रमाण ९२.७१ टक्के एवढे आहे. कोरोनाची सौम्य लक्षणे असलेल्या आणखीन १४४ रुग्णांनी होम आयझोलेशनचा पर्याय स्वीकारला आहे. तर, इस्पितळामध्ये ३९ कोरोना रुग्णांना दाखल करण्यात आले आहेत.
पणजीत नवे २१ रुग्ण
पणजी महानगरपालिका परिसरात दोन दिवसात नवीन २१ कोरोना पॉझिटिव्ह रुग्ण आढळून आले आहेत. पणजी परिसरातील रुग्णांची एकूण संख्या ११९ झाली आहे. पणजीत रविवारी नवे १२ रुग्ण आणि सोमवारी नवीन ९ कोरोना रुग्ण आढळून आले आहेत.
