आल्तिनो-पणजी येथे वीज खात्याचे कर्मचारी वीज खांबांची दुरुस्ती करीत असताना विजेचा खांब रस्त्यावरील धावत्या मोटरसायकलवर कोसळल्याने विद्यार्थिनीसह दोघे जखमी झाले असून, त्यांना उपचारार्थ इस्पितळात दाखल करण्यात आले आहे. ही दुर्घटना काल दुपारी घडली. आल्तिनो पणजी येथे वीज खात्याचे कर्मचारी वीज खांब बदलत असताना वीज खांब कोसळला. यावेळी रस्त्यावरून मोटरसायकलने जाणारी १६ वर्षीय विद्यार्थिनी आणि तिचा मामा गंभीर जखमी झाला.
