राज्यातील अकरा नगरपालिकांच्या २० मार्च २०२१ रोजी होणार्‍या निवडणुकीसाठी उमेदवारी अर्ज दाखल करण्याच्या दुसर्‍या दिवशी ९ उमेदवारी अर्ज काल दाखल करण्यात आले आहेत. तर, २२ ग्रामपंचायतीमधील प्रभागाच्या पोटनिवडणुकीसाठी २ उमेदवारी अर्ज दाखल करण्यात आले आहेत. पणजी महानगरपालिका निवडणुकीसाठी अजूनपर्यंत एकही उमेदवारी अर्ज दाखल करण्यात आलेला नाही.
म्हापसा नगरपालिकेत २ उमेदवारी अर्ज, वाळपई नगरपालिकेत २ उमेदवारी अर्ज, कुंकळ्ळी नगरपालिकेत २ उमेदवारी अर्ज, केपे नगरपालिकेत १ उमेदवारी अर्ज आणि काणकोण नगरपालिकेत २ उमेदवारी अर्ज दाखल करण्यात आले आहेत.
ग्रामपंचायतीच्या पोट निवडणुकीसाठी फोंडा तालुक्यात २ उमेदवारी अर्ज दाखल करण्यात आले आहेत. जिल्हा पंचायतीच्या नावेली मतदारसंघातील पोटनिवडणुकीसाठी अजूनपर्यंत एकही उमेदवारी अर्ज दाखल करण्यात आला नाही.
