निवडणूक आयोगात सध्या दोन निवडणूक आयुक्तांची पदे रिक्त असून ती भरण्यासाठी पंतप्रधानांच्या नेतृत्वाखालील समितीची 15 मार्च रोजी संध्याकाळी 6 वाजता बैठक होणार आहे. निवडणूक आयुक्त अनुपचंद्र पांडे फेब्रुवारीमध्ये निवृत्त झाले. दुसरे अरुण गोयल यांनी 9 मार्च रोजी अचानक राजीनामा दिला. त्यामुळे सध्या तीन सदस्यीय निवडणूक आयोगात फक्त सीईसी राजीव कुमार आहेत.
अरुण गोयल हे मुख्य निवडणूक आयुक्त होण्याच्या मार्गावर होते, कारण सध्याचे राजीव कुमार फेब्रुवारी 2025 मध्ये निवृत्त होणार आहेत. गोयल यांनी 21 नोव्हेंबर 2022 रोजी निवडणूक आयुक्तपदाची सूत्रे हाती घेतली. त्यांचा कार्यकाळ 5 डिसेंबर 2027 पर्यंत होता.
गोयल यांनी राजीनामा देताना वैयक्तिक कारणे सांगितली आहेत. केंद्राने त्यांना पद सोडण्यापासून रोखण्याचा प्रयत्न केला होता. गोयल यांची प्रकृतीही ठीक आहे. अरुण गोयल यांच्या राजीनाम्यानंतर तीन सदस्यीय निवडणूक आयोगात फक्त सीईसी राजीव कुमार उरले आहेत. गोयल हे 1985 च्या बॅचचे पंजाब केडरचे निवृत्त आयएएस अधिकारी आहेत. त्यांनी 18 नोव्हेंबर 2022 रोजी सचिव या पदावरून व्हीआरएस घेतली होती.
