भारतीय औषध कंपनी झायडस कॅडिलाकडून लहान मुलांसाठी कोरोना प्रतिबंधक लस तयार करण्यात आली आहे. केंद्राने सर्वोच्च न्यालायत दाखल केलेल्या प्रतिज्ञापत्रात ही माहिती दिली आहे. झायडस कॅडिलाच्या लशीची चाचणी पूर्ण झाली असून मान्यता मिळाल्यानंतर लसीकरणास सुरुवात होईल. महिन्याच्या सुरूवातीला लसीकरणाच्या धोरणात बदल करण्यात आल्यानंतर लसीकरण मोहिमेबद्दल सर्वोच्च न्यायालयाने काही प्रश्न उपस्थित केले होते. त्यांना उत्तर देताना केंद्र सरकारने वर्षअखेरपर्यंत देशातील १८ वर्षांवरील सर्व नागरिकांचं लसीकरण करण्याची योजना असल्याची माहिती दिली. देशात सध्या मोठ्या प्रमाणात लसीकरण मोहीम सुरू असून लवकरच १२ ते १८ वर्षातील मुलांसाठी लस उपलब्ध होणार आहे.
