राहुल हे खासदार व कॉंग्रेसचे उपाध्यक्षही आहेत. असे असूनही त्यांच्याकडून वारंवार निवडणूक आचार संहितेचा भंग होत आहे. त्यामुळे राष्ट्रीय पक्ष म्हणून कॉंग्रेस पक्षाची मान्यता काढून घेण्यात यावी अशी मागणी भाजप नेत्यांनी केली आहे. भाजपचे उपाध्यक्ष मुख्तार अब्बास नक्वी यांनी यावेळी सांगितले की वरील वक्तव्यामागील राहुल गांधी यांचा सूर लोकांना चिथावण्याचा व भाजप व रा. स्व. संघ यांच्याविषयी घृणा निर्माण करणारा होता. भाजप हा हिंदू-मुस्लिमांमध्ये शत्रुत्व निर्माण करणारा पक्ष आहे, अशी लोकांमध्ये खोटी समजूत पसरविण्याचा राहुल गांधी यांचा हेतू होता असेही ते म्हणाले.