राज्यात नारळाचे दर कडाडल्याच्या पार्श्वभूमीवर फलोद्यान महामंडळाने स्वस्त दरात नारळ उपलब्ध करून द्यावेत अशी लोकांची मागणी असल्याने महामंडळ आपल्या भाजी विक्री केंद्रांवरून लोकांना माफक दरात नारळ उपलब्ध करून देण्याबाबत विचार करीत आहे. मात्र, त्याबाबत अद्याप अंतिम निर्णय झालेला नाही. त्यामुळे त्याबाबत जास्त काही सांगता येणार नसल्याचे महामंडळाचे व्यवस्थापकीय संचालक माधव केळकर यांनी काल सांगितले. मात्र, येणार्या काही दिवसांत नारळाचे दर खाली आल्यास त्याची गरज भासणार नसल्याचे केळकर यांनी स्पष्ट केले. वानरांच्या उपद्रवामुळे नारळांचे पीक घटल्याचे ते म्हणाले.
