>> नवीन शैक्षणिक वर्षास प्रारंभ
उन्हाळी सुट्टीनंतर नवीन शैक्षणिक वर्ष 2023-24 ला कालपासून प्रारंभ करण्यात आला आहे. शैक्षणिक वर्षाच्या पहिल्या दिवशी विद्यालयातून मुलांना लवकर घरी पाठविण्यात आले. शैक्षणिक वर्षाच्या दुसऱ्या दिवसापासून म्हणजेच आज मंगळवारपासून विद्यालये पूर्णवेळ भरविण्यात येणार आहेत, अशी माहिती सूत्रांनी दिली.
राज्यातील पहिली ते बारावीपर्यंतच्या वर्गांना प्रारंभ करण्यात आला आहे. राष्ट्रीय शैक्षणिक धोरणाच्या अंमलबजावणीमुळे राज्यातील पूर्व प्राथमिक स्तरावरील पायाभूत शिक्षण-1 मध्ये तीन वर्षे पूर्ण केलेल्या मुलांच्या शाळा जुलै 2023 पासून सुरू करण्यात येणार आहेत.
वाहतूक पोलिसांनी दरवर्षीचा अनुभव लक्षात घेऊन वेळीच नियोजन केल्याने वाहतूक कोंडीची मोठी समस्या निर्माण झाली नाही.
