नवी दिल्ली येथील भारतीय वैद्यकीय संशोधन मंडळाने गोव्यातील उत्तर आणि दक्षिण गोवा जिल्हा इस्पितळातील विषाणूशास्त्र प्रयोगशाळांना (व्हायरोलॉजी लॅब) व्हायरस संशोधन आणि निदान प्रयोगशाळा (व्हीआरडीएल लॅब) म्हणून मान्यता दिली आहे, अशी माहिती आरोग्यमंत्री विश्वजीत राणे यांनी काल दिली. राज्यातील दोन्ही जिल्हा इस्पितळातील प्रयोगशाळांचा देशातील प्रमुख प्रयोगशाळांच्या यादी समावेश झाला आहे.राज्यातील दोन्ही व्हीआरडीएल लॅब व्हायरस कमी करण्यात मदत करतील आणि जीव वाचवण्याचा संकल्प आणि ध्येय मजबूत करण्यास मदत होईल, असे राणे यांनी म्हटले आहे.
