कोरोनाची तिसरी लाट आता ओसरू लागली असून, गेल्या २४ तासांत राज्यात १८०७ जणांची कोरोना चाचणी करण्यात आली, त्यापैकी केवळ ४ जणांना कोरोनाचा संसर्ग झाल्याचे आढळून आले. राज्यात नवीन कोरोनाबाधित कमी संख्येने सापडत असल्याने सक्रिय रुग्णसंख्या वेगाने घटत चालली आहे. सध्या राज्यात केवळ ८९ सक्रिय कोरोना रुग्ण आहेत. तसेच गेल्या २४ तासांत १४ रुग्ण कोरोनामुक्त झाले आहेत. राज्यातील रुग्ण बरे होण्याचे प्रमाण ९८.४० टक्के एवढे आहे.
