राज्यात गेल्या चोवीस तासांत नवीन २७ कोरोनाबाधित रुग्ण आढळून आले असून, एकाही कोरोना रुग्णाच्या बळीची नोंद झाली नाही. गेल्या चोवीस तासांत १३७४ स्वॅबच्या नमुन्यांची तपासणी करण्यात आली, त्यातील २७ नमुने बाधित आढळून आले. राज्यातील बाधित रुग्ण आढळून येण्याचे प्रमाण १.९३ टक्के एवढे आहे.
राज्यातील सक्रिय रुग्णांची संख्या ३९६ एवढी झाली आहे. कोरोना बळींची एकूण संख्या ३४८५ एवढी आहे. राज्यात गेल्या चोवीस तासांत आणखी ३७ जण कोरोनामुक्त झाले असून, रुग्ण बरे होण्याचे प्रमाण ९७.८४ टक्के एवढे आहे. कोरोनाची लक्षणे जाणवल्याने एका बाधिताला इस्पितळात दाखल करून घेण्यात आले, तर बर्‍या झालेल्या एकाला घरी पाठविण्यात आले.
