>> माजी मुख्यमंत्री पार्सेकर यांची गर्जना
काहीही झाले तरी मी येती गोवा विधानसभा निवडणूक लढवणार असल्याचे काल मांद्रे मतदारसंघाचे माजी आमदार व राज्याचे माजी मुख्यमंत्री लक्ष्मीकांत पार्सेकर यांनी स्पष्ट केले.
मुख्यमंत्री डॉ. प्रमोद सावंत यांनी काल मांद्रे मतदारसंघाचे आमदार दयानंद सोपटे यांच्यासह मांद्रे मतदारसंघाचा दौरा केल्याच्या पार्श्वभूमीवर पार्सेकर यांनी वरील स्पष्टीकरण केले.
पार्सेकर यांना विद्यमान आमदार दयानंद सोपटे यांच्याविषयी विचारले असता आपण त्यांच्याविषयी काहीही बोलणार नाही. त्यांच्याविषयी आपणाला काहीही भाष्य करायचे नाही, असे पार्सेकर यांनी यावेळी स्पष्ट केले. तुम्ही येऊ घातलेली विधानसभा निवडणूक लढवणार आहात का, असे त्यांना विचारले असता आपण निश्चितच ही निवडणूक लढवणार असल्याचे त्यांनी स्पष्ट केले. त्याचबरोबर भाजपची उमेदवारीही आपणालाच मिळणार असल्याचा दावाही त्यांनी केला. त्याचबरोबर ह्या निवडणुकीत आपला विजय निश्चित असल्याचे सांगून फक्त सहा महिने थांबा म्हणजे तुम्हाला ते कळेलच असे ते म्हणाले.
