भारतीय लष्करात २६ वर्षांची सेवा पूर्ण केलेल्या पाच महिला अधिकार्‍यांच्या कर्नल (टाइम स्केल) पदावर पदोन्नतीचा मार्ग मोकळा झाला आहे. एका निवड मंडळाने हा निर्णय दिला. कॉर्प्स ऑफ सिग्नल, इलेक्ट्रॉनिक आणि मेकॅनिकल इंजिनिअर्स (ईएमई) आणि कॉर्प्स ऑफ इंजिनीअर्समध्ये सेवा देणार्‍या महिला अधिकार्‍यांना कर्नल पदावर मान्यता देण्याची ही पहिलीच वेळ आहे.
यापूर्वी, कर्नल पदावर पदोन्नती केवळ आर्मी मेडिकल कॉर्प्स (एएमसी), जज ऍडव्होकेट जनरल (जेएजी) आणि आर्मी एज्युकेशन कोर (एईसी) मधील महिला अधिकार्‍यांना लागू होती. कर्नल पदासाठी निवडलेल्या पाच महिला अधिकार्‍यांमध्ये सिग्नल कॉर्प्समधून लेफ्टनंट कर्नल संगीता सरदाना, ईएमई कॉर्प्समधून लेफ्टनंट कर्नल सोनी आनंद आणि लेफ्टनंट कर्नल नवनीत दुग्गल आणि कॉर्प्स ऑफ इंजिनियर्समधून लेफ्टनंट कर्नल रिनू खन्ना आणि लेफ्टनंट कर्नल रिचा सागर यांचा समावेश आहे.
