मराठी रंगभूमीसह, आपल्या अभिनयाने चित्रपटसृष्टी गाजवणारे ज्येष्ठ अभिनेते रवी पटवर्धन (८३) यांचे काल रविवारी हृदयविकाराच्या झटक्याने निधन झाले. शनिवारी रात्री रवी पटवर्धन यांना श्वास घेण्यास त्रास होत होता. त्यानंतर त्यांना तातडीने खासगी रुग्णालयात दाखल करण्यात आले. मात्र त्यांच्या प्रकृतीत सुधारणा होऊ शकली नाही. १९३७ मध्ये जन्मलेल्या पटवर्धन यांनी मराठी नाट्यसृष्टी आणि चित्रपट सृष्टी गाजवली. त्यानंतर छोट्या पडद्यावर देखील आपला ठसा उमटवला. अग्गबाई सासूबाई ही त्यांची शेवटची मालिका ठरली.
