दिल्ली विधानसभा निवडणुकीसाठी भाजपने मुख्यमंत्रीपदासाठी किरण बेदी यांचे नाव घोषित केले आहे. मुख्यमंत्रीपदाचा उमेदवार म्हणून बेदींच्या नावावर भाजप संसदीय समितीच्या बैठकीत शिक्कामोर्तब करण्यात आल्याची माहिती पक्षाचे अध्यक्ष अमित शहा यांनी दिली. दिल्ली विधानसभेची निवडणूक भाजप किरण बेदी यांच्या नेतृत्वाखाली लढणार असल्याचे शहा यांनी पत्रकार परिषदेत सांगितले.
