हणजूण पोलिसांनी काल बार्देश तालुक्यात आणि इतरत्र ठिकाणी चोर्या करणार्या अट्टल चोरट्यांच्या टोळीतील चौघांना अटक करून त्यांच्याकडील ४ लाख ५० हजार रुपयांच्या मौल्यवान वस्तू हस्तगत केल्या आहेत.
आशिष हरमलकर (२०) कोलवाळ-चिखली, सुदन फडते (२१) तारवाडा-कोलवाळ, सिद्धेश धारगळकर (२४) दाडाचीवाडी-धारगळ व पावलो कामिलो फर्नांडिस (२२) सातार्डा अशी संशयित चोरट्यशांची नावे आहेत. त्यांच्याकडून ६ लॅपटॉप, मोबाईल व ऍक्टिव्हा स्कूटर, चार्जर व इतर मौल्यवान वस्तू पोलिसांनी हस्तगत केल्या. ही कारवाई हणजूण पोलीस स्थानकाच्या पथकाने केली.
काल सकाळी ही माहिती हणजूण पोलीस स्थानकात उत्तर गोव्याच्या पोलीस अधीक्षक प्रियांका कश्यप यांनी दिली. यावेळी पोलीस उपअधीक्षक धर्मेश आंगले, पोलीस निरीक्षक परेश नाईक हे उपस्थित होते.
