उद्योगपती मुकेश अंबानी यांच्या निवासस्थानाजवळ सापडलेल्या स्फोटकेप्रकरणात राष्ट्रीय तपास संस्थेने अटक केलेले निलंबित पोलीस अधिकारी सचिन वाझे यांचे तीन अर्ज एनआयए न्यायालयाने काल फेटाळले. एनआयएने १२ तासांच्या मॅरथॉन चौकशीनंतर वाझेंना अटक केली. मात्र ही अटक बेकायदा असल्याची याचिका एनआयए न्यायालयात वाझे यांनी केली होती. त्यावर काल सुनावणी झाली.
सचिन वाझे यांनी एनआयए न्यायालयात तीन अर्ज केले होते. एनआयए कार्यालयात सीसीटीव्ही नाही, कोणत्याही सरकारी अधिकार्‍याला सरकारच्या पूर्वपरवानगीशिवाय अटक करता येत नाही व मुलभूत प्रक्रियेचे पालन न केल्याने अटक कारवाई बेकायदा आहे, असे मुद्दे वाझे यांच्या मार्फत मांडण्यात आले होते. मात्र हे अर्ज एनआयए न्यायालयाने फेटाळले.
मुकेश अंबानी यांच्या घराबाहेर २५ फेब्रुवारीच्या रात्री स्कॉर्पिओ कार पार्क करण्यात आली होती. या कारमध्ये जिलेटिनच्या १९ कांड्या आढळून आल्या होत्या.
