गोवा विधानसभा निवडणुकीत कॉंग्रेस पक्षाच्या उमेदवारांच्या प्रचारार्थ कॉंग्रेसचे राष्ट्रीय नेते राहुल गांधी हे शुक्रवार दि. ११ फेब्रुवारी रोजी पुन्हा एकदा गोवा दौर्यावर येत आहेत. ते दक्षिण गोव्यातील दोन मतदारसंघात प्रचारसभा घेणार आहेत. राहुल गांधी यांचे दुपारी गोव्यात आगमन होणार आहे. संध्याकाळी ४ वाजता ते कुडचडे येथील नागरिकांशी संवाद साधणार आहेत. त्यानंतर संध्याकाळी ५ वाजता ते कुडतरी मतदारसंघातील नागरिकांशी संवाद साधणार आहेत.
