या महिन्यातील पंतप्रधान मोदींचा ‘मन की बात’ कार्यक्रम विशेष असणार असून या कार्यक्रमात मोदींसमवेत अमेरिकेचे राष्ट्राध्यक्ष बराक ओबामा हेदेखील सहभागी होणार आहेत. हा कार्यक्रम २७ रोजी प्रसारित केला जाणार आहे. स्वत: मोदी यांनी ट्विटद्वारे ही माहिती दिली आहे. या कार्यक्रमाद्वारे मोदी ऑल इंडिया रेडिओच्या माध्यमातून भारतियांशी संवाद साधत असतात. अमेरिकी राष्ट्राध्यक्ष प्रजासत्ताकदिनी प्रमुख पाहुणे म्हणून भारत भेटीवर येत आहेत.
