नेरूल, दांदेडी येथील एका बंगल्यात काम करणशर्‍या माळ्याच्या पोटात चाकू भोसकल्याची तक्रार शिवोली येथील आंजेलो जुझे फर्नांडीस यांनी पर्वरी पोलीस स्थानकात नोंदविली आहे. पोलिसांनी दिलेल्या माहितीनुसार दि. ३रोजी नेरूल, दांदेडी येथील सुकुरीन सिमोईश यांच्या कोको मारी या बंगल्यात मेक्सन रोझारीओ नावाच्या मुलाने प्रवेश केला त्यावेळी तेथे कामाला असलेल्या राजेंद्र (वापी) बेहरा(२५,ओरिसा)याने त्यास हटकले. त्यावरून वाचाबाची होऊन मेक्सन याने रागाने राजेंद्रच्या पोटात स्वयंपाक घरातील चाकू आणून खुपसला. रक्तबंबाळ अवस्थेत राजेंद्र यास गोमेकोत उपचारासाठी नेण्यात आले. पर्वरी पोलिसांत या प्रकरणाची आंजेलो यांनी तक्रार नोंदविली असता उपनिरीक्षक विलेश दुर्भाटकर यांनी घटनेचा पंचनामा केला व संशयित आरोपी मेक्सन याच्यावर भा. दं.सं. ३०७ कलमाखाली गुन्हा नोंदविण्यात आला. आरोपीला न्याय दंडाधिकर्‍यांसमोर हजर केले असता पाच दिवसांचा रिमांड देण्यात आला आहे. निरीक्षक ब्रेंडन डिसोझा यांच्या मार्गदर्शनाखाली पुढील तपास चालू आहे.
