कोलकाताच्या आरजी कर वैद्यकीय महाविद्यालयात डॉक्टरवर बलात्कार करून तिची हत्या करण्यात आली. या प्रकरणात सीबीआयने महाविद्यालयाचे माजी प्राचार्य संदीप घोष याला अटक केली आहे. तसेच घोषसोबतच सीबीआयने ताला पोलीस स्थानकाचे प्रभारी अभिजीत मंडलला देखील अटक केले आहे.
सीबीआयने यापूर्वी आर्थिक अनियमिततेप्रकरणी डॉ. संदीप घोष याला अटक केली होती. सीबीआयच्या कोलकाता मुख्यालयात त्यांची सतत चौकशी सुरू होती. यावेळी सीबीआयने संदीप घोषसह अनेक ठिकाणी छापे टाकले आणि त्यांना अनेक गुंतागुंतीचे प्रश्न विचारले, ज्यांचे ते स्पष्ट उत्तर देऊ शकले नाहीत. सूत्रांनी दिलेल्या माहितीनुसार, यानंतर सीबीआयने या घटनेतील त्याची संशयास्पद भूमिका आणि सापडलेल्या पुराव्याच्या आधारे त्याला अटक केली.
यासोबतच या प्रकरणाचा तपास योग्य प्रकारे न केल्याने आणि या हत्येला आत्महत्येसारखे भासवल्याप्रकरणी तळा पोलीस ठाण्याचे प्रभारी अभिजीत मंडल यांनाही अटक करण्यात आली आहे. अटक करण्यापूर्वी सीबीआयने एसएचओ अभिजीत मंडल यांची अनेक वेळा कसून चौकशी केली. यावेळी त्यांना बलात्कार-हत्या प्रकरणाच्या तपासात डॉक्टरांच्या हलगर्जीपणाबाबत अनेक प्रश्न विचारण्यात आले. त्यानंतर एजन्सीने त्याला अटक केली.
