राज्यात काल कोरोनामुळे एकाचा मृत्यू झाला असून त्यामुळे राज्यातील कोरोना बळींची संख्या ६९८ झाली आहे. तसेच काल रविवारी नवीन कोरोनाबाधित ११२ रुग्ण सापडले आहेत. त्यामुळे राज्यातील कोरोनाची एकूण रुग्णसंख्या ४८,६८६ एवढी झाली आहे. राज्यातील कोरोनाचे सध्याचे रुग्ण १३६४ एवढे असून गेल्या चोवीस तासांत १३१ जण कोरोनामुक्त झाले आहेत. आतापर्यंत कोरोनामुक्त झालेल्यांची संख्या ४६,६२४ एवढी आहे. रुग्ण बरे होण्याचे प्रमाण ९५.७६ टक्के एवढे आहे.
कोरोनाची सौम्य लक्षणे असलेल्या ४२ जणांनी काल घरीच विलगीकरणाचा निर्णय घेतला असून घरी विलगीकरणात असलेल्यांची संख्या २५,०९३ झाली आहे. तर इस्पितळात ३६ जण दाखल झाले असून इस्पितळात विलगीकरणात असलेल्यांची एकूण संख्या १३५६२ एवढी झाली आहे.
आरोग्य खात्यातर्फे काल रविवारी ११४३ स्वॅबची तपासणी करण्यात आली. आरोग्य खात्याने आतापर्यंत एकूण ३,५९,३४५ एवढ्या स्वॅबची तपासणी केली आहे.
