28 C
Panjim
Monday, March 1, 2021

‘त्या’ ६२ पोलिसांना सेवेत नियमित करणार

>> मंत्र्यांच्या ओएसडींसाठी १२ वीची पात्रता ः मंत्रिमंडळाने दिली मान्यता

राज्य मंत्रिमंडळाच्या बैठकीत मंत्र्यांच्या कार्यालयात ओएसडी नियुक्तीसाठी असलेल्या शैक्षणिक पात्रतेमध्ये १२ वी उत्तीर्ण किंवा डिप्लोमा अशी सूट देण्याचा निर्णय घेण्यात आला आहे. तसेच पोलीस खात्यातील ६२ पोलीस शिपायांना सेवेत नियमित करण्यास मान्यता देण्यात आली आहे, अशी माहिती मुख्यमंत्री डॉ. प्रमोद सावंत यांनी काल बैठकीनंतर पत्रकार परिषदेत बोलताना दिली.

मंत्र्यांच्या कार्यालयात ओएसडी नियुक्तीसाठी पदवी ही शैक्षणिक पात्रता आहे. तीन मंत्र्यांनी आपल्या कार्यालयात ओएसडीसाठी सुचविलेल्या कर्मचार्‍याची शैक्षणिक पात्रता निर्धारित पात्रतेपेक्षा कमी आहे. उपमुख्यमंत्री चंद्रकांत कवळेकर, महसूल मंत्री जेनिफर मोन्सेरात आणि ग्रामीण विकास मंत्री मायकल लोबो यांनी ओएसडी नियुक्तीतील शैक्षणिक पात्रतेमध्ये सूट देण्याची विनंती केली होती. मंत्र्यांनी सुचविलेल्या व्यक्तींची ओएसडीपदी नियुक्तीसाठी शैक्षणिक पात्रतेमध्ये सूट देण्याचा निर्णय घेण्यात आला आहे, अशी माहिती मुख्यमंत्री डॉ. सावंत यांनी दिली.

पोलीस खात्यातील ६२ पोलीस शिपायांना सेवेत नियमित करण्याच्या निर्णयाला मान्यता देण्यात आली आहे. पोलीस खात्यातील आयआरबीच्या पहिल्या बॅचमधील ६२ पोलीस शिपायांच्या नियुक्तीचा प्रश्‍न गेली कित्येक वर्षे प्रलंबित होता. या पोलीस शिपायांनी न्याय मिळविण्यासाठी मुंबई उच्च न्यायालयाच्या गोवा खंडपीठात याचिका दाखल केली होती.

पोलीस खात्याने २००६ मध्ये आयआरबीची स्थापना केली होती. या वेळी भरतीसाठी विविध गटासाठी जागा राखीव ठेवण्यात आल्या होत्या. होमगार्डसाठी ६३ जागा राखीव ठेवण्यात आल्या होत्या. तथापि, केवळ एकच होमगार्ड भरतीसाठी पात्र ठरला. त्यामुळे सरकारने शिल्लक ६२ जागा खुल्या गटातून भरण्याचा निर्णय घेतला. या ६२ पोलीस शिपायांची ऍडव्हॉक म्हणून भरती करण्यात आली होती. या पहिल्या बॅचनंतर वर्ष २०१० मध्ये ५४४ पोलीस शिपायांची दुसर्‍या बॅचमध्ये भरती करण्यात आली. त्यावेळी ६२ पोलीस शिपायांच्या नियुक्तीबाबत कोणताही निर्णय घेण्यात आला नाही. या ६२ पोलीस शिपायांचा प्रोबेशन काळ उठविण्यात आला नाही किंवा त्यांना सेवेत नियमित करण्यात आले नाही. या ६२ पोलीस शिपायांचे नियुक्तीचे प्रकरण नंतर पर्सनल खात्याकडे सोपविण्यात आले होते. या प्रकरणामुळे ६२ पोलीस शिपायांना सरकारकडून मिळणार्‍या विविध लाभांपासून वंचित राहावे लागत होते. ज्येष्ठता यादीत सुध्दा या शिपायांना डावलण्यात आले होते. या ६२ पोलीस शिपायांना नियुक्तीच्या दिनापासून सेवेत सामावून घेऊन त्यांना सर्व लाभ तसेच ज्येष्ठता यादीचा लाभ मिळवून देण्याचा निर्णय घेण्यात आला आहे.

क्रीडा आणि युवा व्यवहार खात्याच्या २०१८-२०१९ मधील अंदाजपत्रकात तरतूद न करता खर्च करण्यात आलेल्या १० लाख ६९ हजार १४४ रुपयांच्या खर्चाला मंत्रिमंडळाच्या बैठकीत मान्यता देण्यात आली आहे. राज्यातील १० तालुक्यात मिनी माध्यमिक आणि उच्च माध्यमिक स्पर्धेवर सदर निधी खर्च करण्यात आला. क्रीडा खात्याने २० नोव्हेंबर २०१८ रोजी नोव्हेंबर आणि डिसेंबर २०१८ मधील खर्चासाठी लेखा खात्याकडे प्रस्ताव पाठविला होता. सदर खर्चाला अंदाजपत्रकात मान्यता नसल्याचा शेरा मारून अकाउंट खात्याने फाईल परत पाठविली होती. त्यानंतर या खर्चासंबंधीचा प्रस्ताव अर्थ खात्याकडे पाठविण्यात आला होता. भविष्यकाळात स्पर्धांसाठीच्या निधीची अर्थसंकल्पामध्ये तरतूद करण्याची सूचना करण्यात आली आहे.

STAY CONNECTED

845FansLike
8,000SubscribersSubscribe

TOP STORIES TODAY

आगामी विधानसभा निवडणुकांचे पडघम

दत्ता भि. नाईक आगामी मार्च-एप्रिलच्या काळात आसाम, प. बंगाल, तामिळनाडू व पुदुचेरी अशा तीन राज्यांत व एका छोट्याशा...

‘एलआयसी’ अंतर्बाह्य कशी आहे?

शशांक मो. गुळगुळे आतापर्यंत खाजगी कंपन्यांच्या भागभांडवल विक्रीपेक्षा सरकारी कंपन्यांच्या भागभांडवल विक्रीला चांगला प्रतिसाद मिळाला आहे आणि या...

खांडेकर-कुसुमाग्रज-बोरकर अनोखा त्रिवेणी संगम

राम देशपांडे भाऊंनी पन्नास वर्षांहून अधिक काळ मराठी साहित्याच्या क्षेत्रावर अधिराज्य केले. स्वतःचा असा एक वेगळा ठसा मराठी मनावर...

अस्त

अंजली आमोणकर देहोपनिषद सिद्ध झालं म्हणजे देहकथा पूर्ण झाली. विसर्जनाची वेळ झाली. गीतेत म्हटले आहे- ‘तू त्रिगुणातीत हो!’...

फुटीच्या दिशेने?

कॉंग्रेस पक्षामधील असंतोष पुन्हा खदखदू लागला आहे. शनिवारी जम्मूमध्ये गुलाम नबी आझाद यांच्या राज्यसभेतील निवृत्तीच्या निमित्ताने आयोजित ‘शांती संमेलना’तील ज्येष्ठ कॉंग्रेस नेते...

ALSO IN THIS SECTION

आजपासून कोरोना लसीकरणाचा दुसरा टप्पा

>> राज्यात ३७ केंद्रांची व्यवस्था, ज्येष्ठ नागरिकांना लस देणार राज्यात कोरोना प्रतिबंधक लसीकरणाची व्याप्ती १ मार्च २०२१ पासून वाढविण्यात...

पालिका निवडणुकीसाठी आजपासून उमेदवारी अर्ज वाढण्याची अपेक्षा

>> आतापर्यंत २६ अर्ज दाखल, ४ मार्चपर्यंत मुदत राज्यातील पणजी महानगरपालिका, अकरा नगरपालिकांच्या २० मार्च २०२१ रोजी होणार्‍या निवडणुकीसाठी...

नावेली पोटनिवडणुकीसाठी कॉंग्रेसची कुतिन्होंना उमेदवारी

दक्षिण गोवा जिल्हा पंचायतीच्या नावेली मतदारसंघातील पोटनिवडणुकीसाठी कॉंग्रेस पक्षाची उमेदवारी गोवा प्रदेश महिला कॉंग्रेसच्या अध्यक्ष प्रतिमा कुतिन्हो यांना काल जाहीर करण्यात आली.गोवा...

पालिका आरक्षणाबाबत आज निवाड्याची शक्यता

राज्यातील अकरा नगरपालिका निवडणुकीतील आरक्षण आणि फेररचनेला आव्हान देणार्‍या याचिकांवर मुंबई उच्च न्यायालयाचे गोवा खंडपीठ सोमवार १ मार्च २०२१ रोजी निवाडा देण्याची...

जलशक्ती मंत्रालय राबवणारजलसंधारण मोहीम ः मोदी

>> ‘मन की बात’मध्ये पंतप्रधानांची माहिती पंतप्रधान नरेंद्र मोदींनी काल रविवारी सकाळी ११ वाजता आपल्या मासिक ‘मन की बात’च्या...