हरियाणात 5 ऑक्टोबर रोजी विधानसभेच्या निवडणुका होऊ घातल्या आहेत. सत्ताधारी भाजप आणि विरोधी पक्ष काँग्रेसमध्ये कडवी लढत होणार आहे. या निवडणुकीच्या पार्श्वभूमीवर जागतिक दर्जाचे खेळाडू कुस्तीपटू बजरंग पुनिया आणि विनेश फोगट यांनी काँग्रेसचे खासदार आणि विरोधी पक्षनेते राहुल गांधी यांची काल भेट घेतली. काँग्रेसच्या अधिकृत सोशल मीडिया खात्यावरून त्यांच्या भेटीचा फोटो पोस्ट करण्यात आला. तसेच दोघेही काँग्रेसमध्ये प्रवेश करणार असल्याची चर्चा असून, त्यांना विधानसभेसाठी उमेदवारी जाहीर केली जाण्याची शक्यता आहे.
