राज्यातील तीन ग्रामपंचायतींच्या तीन प्रभागांतील पोटनिवडणुकीचा निकाल काल जाहीर करण्यात आला. पेडणे तालुक्यातील पार्से पंचायतीच्या प्रभाग 7 मध्ये अजित सगुण मोरजकर विजयी झाले. तिसवाडी तालुक्यातील सांत इस्तेव पंचायतीच्या प्रभाग 5 मधून हेमंत गुरुदास शेट, तर सासष्टी तालुक्यातील धर्मापूर शिर्ली पंचायतीच्या प्रभाग 2 मधून मिंगेलिना कार्व्हालो विजयी झाल्या. राज्य निवडणूक आयोगाने पंचायत पोटनिवडणूक प्रक्रिया पूर्ण झाल्यानंतर आचारसंहिता मागे घेतली.
