बॉलिवूडमधील ज्येष्ठ अभिनेत्री शशिकला (८८) यांचे काल रविवारी निधन झाले. फिल्मफेअरचे संपादक जितेश पिल्लई यांनी सोशल मीडियावर ही बातमी शेअर केली. ७० व्या दशकात शशिकला यांनी मुख्य अभिनेत्री आणि खलनायिका अशा दोन्ही भूमिका साकारल्या होत्या. त्यांनी तब्बल १०० चित्रपटांमध्ये काम केले आहे. शशिकला यांचे पूर्ण नाव शशिकला जावळकर असून त्यांचा जन्म ४ ऑगस्ट १९३२ रोजी सोलापुरात झाला होता.
त्यांनी ‘झीनत’ या चित्रपटात पहिले काम केले. यानंतर त्यांनी नौ दो ग्यारह, कानुन, जंगली, हरियाली और रास्ता, अनपढ, यह रास्ते हैं प्यार के, वक्त, देवर, अनुपमा, नीलकमल, तीन बहुरानियॉं, हमजोली, सरगम, क्रांती, रॉकी, बादशहा, कभी खुशी कभी गम, अशा १०० चित्रपटांत काम केले. २००७ साली भारत सरकारने शशिकला यांना पद्मश्री पुरस्कार देऊन गौरविले.
