कुडचडे – काकोडा नगरपालिका निवडणुकीच्या १५ पैकी आठ जागांवर नवे चेहरे निवडून आले असून त्यात दोघा माजी बलाढ्य उमेदवारांना आपली हार पत्करावी लागली आहे. कुडचड्यात भाजपने आपले ११ उमेदवार निवडून आले असून आपले पालिका मंडळ स्थापन करणार असल्याचा दावा केला आहे. स्वाभिमान पॅनलचा एक उमेदवार निवडून आला तर तीन उमेदवार अपक्ष निवडून आले आहेत.
उर्वरित चौघा नगरसेवकांना भाजपची साद
आपले ११ उमेदवार निवडून आले असून उर्वरित चार नगरसेवक आपल्याबरोबर आल्यास आपण त्यांचे स्वागत करू असे आमदार नीलेश काब्राल यांनी सांगितले. कुडचड्यात आपण केलेल्या विकासकामांमुळे आपले अकरा उमेदवार निवडून आले असल्याचा दावा त्यांनी केला.
