>> सुब्रतो रॉयना सर्वोच्च न्यायालयाने मुदतवाढ नाकारली
सहारा समूहाचे प्रमुख सुब्रतो रॉय यांना ६०० कोटी रुपये जमा करण्यासाठी सर्वोच्च न्यायालयाने मुदतवाढ नाकारली आहे. रॉय यांनी ६ ङ्गेब्रुवारीपर्यंत सेबी-सहारा खात्यात ६०० कोटी रुपये जमा करावेत अन्यथा तुरुंगात जावे असे न्यायालयाने म्हटले आहे.
सरन्यायाधीश टी. एस. ठाकूर आणि न्यायमूर्ती रंजन गोगोई आणि ए. के. सिक्री यांच्या खंडपीठाने रॉय यांना दोन महिन्यांमध्ये १,००० कोटी रुपये जमा करण्यासाठी मुदत दिली होती. परंतु त्यानंतर ही रक्कम कमी करुन ६ ङ्गेब्रुवारीपर्यंत ६०० कोटी रुपये जमा करण्याचे आदेश देण्यात आले होते.
नोटाबंदीचा निर्णय आणि आर्थिक मंदीमुळे ही रक्कम जमा करण्यास उशीर होत असल्याचे कारण रॉय यांनी दिले आहे. मात्र, इतर आरोपींच्या तुलनेत रॉय यांचे आतापर्यंत भरपूर लाड पुरविले आहेत अशी टीका करत न्यायालयाने मुदतवाढ नाकारली आहे.
सहारा समूहाकडे व्याजासकट अद्याप ३७,००० कोटी रुपयांचे दायित्व आहे. कंपनीने आतापर्यंत गुंतवणूकदारांचे १८,००० कोटी रुपयांचे देणे ङ्गेडले आहेत. दरम्यान, सुब्रतो रॉय हे त्यांच्या आईच्या निधनानंतर मे महिन्यापासून पॅरोलवर तुरुंगाबाहेर आहेत.
