वजनगाळ, शिरोडा येथील सोनल गावडे कवळेकर या २१ वर्षाच्या युवकाला आपल्याच नात्यातील १६ वर्षीय युवतीवर लैंगिक अत्याचार केल्याच्या आरोपावरून फोंडा पोलीस स्थानकाचे उपनिरीक्षक जी. ए. मळीक यांनी अटक केली आहे. संशयिताला येथील न्यायालयाने चौकशीसाठी पाच दिवसांचा रिमांड मंजूर केला आहे. पीडित युवती दिवाळीच्या सुटीत नातेवाईकांकडे आली होती. त्यावेळी संशयिताने लैंगिक अत्याचार केल्याचे तक्रारीत म्हटले आहे. काल तिच्या पोटात दु:खू लागल्याने तिला सरकारी इस्पितळात दाखल केले असता गरोदर असल्याचे स्पष्ट झाले. यानंतर युवतीच्या नातेवाईकांनी फोंडा पोलिसांत तक्रार दाखल केली व आरोपी म्हणून सोनलचे नाव दिल्याने पोलिसांनी त्याला अटक केली. उपनिरीक्षक जी. ए. मळीक या प्रकरणी पुढील चौकशी करीत आहेत.
