जावा बेटानजीक समुद्रात दुर्घटनाग्रस्त झालेल्या एअर एशिया विमानातील मृतदेहांचा शोध घेण्याच्या कामात काल खराब हवामानाने अडथळा निर्माण केला. एका महिलेसह सात मृतदेह काल मदत पथकांनी पाण्यातून वर काढल्याची माहिती देण्यात आली. विमानाचे अवशेष ताब्यात घेण्याच्या प्रयत्नांमध्येही जोरदार लाटांनी अडथळा निर्माण केला. आधीच्या ठिकाणापासून हे अवशेष ५० किलोमीटर आणखी पुढे भरकटले असल्याची माहिती अधिकार्यांनी दिली. पाण्यातील मृतदेहही भरकटून किनार्यावर येण्याची शक्यता व्यक्त करण्यात आली. मोहिमेदरम्यान विमानातील प्रवाशांचे काही सामानही मिळाले.
