चोर्या, घरफोड्या प्रकरणात पोलिसांना हव्या असलेल्या असोळणा येथील कार्लुश डायस याला पोलिसांनी मांडप – नावेली येथे अटक केली. त्याच्याकडून चोरीचे दोन लॅपटॉप व एक मोबाईल हस्तगत करण्यात आला. गेल्या सात ऑक्टोबरला दुपारी राजेंद्रप्रसाद स्टेडियमजवळ कारची नंबरप्लेट चोरताना कार्लुशची पत्नी लीना हिला पोलिसांनी अटक केली होती. तेव्हा कार्लुश पळाला होता. तपासाअंती पाच महिन्यांपूर्वी मोतीडोंगर बाणावली येथे सेंट जॉन द बाप्तीस्त चर्च कार्यालयात भर दुपारी बुरखा घालून चौघांनी लूटमार केली होती. लॅपटॉप, मोबाईल चोरले होते. ही चोरी कार्लुसनेच केल्याची कबुली त्याने दिली होती. कोलवा पोलिसांना त्यासंदर्भात कार्लुस हवा होता. आता ती पती पत्नी कोठडीत आहेत.
