हिंदी चित्रपट ‘लायर्स डायस’ २०१५मध्ये दिल्या जाणार्या ऑस्कर पुरस्कारांसाठी भारतातर्फे प्रतिनिधित्व करणार आहे. गीतांजली थापा व नझरुद्दीन सिद्धीकी यांच्या प्रमुख भूमिका असलेला हा चित्रपट भारताची अधिकृत प्रवेशिका असेल. तिबेट सीमेनजीक राहणारी एक आदिवासी महिला आपल्या तरुण मुलीसह दिल्लीत पतीच्या शोधास निघते. वाटेत त्यांना लष्करातून पळून आलेला जवान सोबत करतो, या स्वरूपाचे चित्रपटाचे कथानक आहे. ‘मेरी कोम’, ‘शहीद’, ‘क्वीन’, ‘मर्दानी’, तसेच मराठी चित्रपट ‘येलो’, ‘फँड्री’ आदी २९ चित्रपटांमधून ‘लायर्स डायस’ चित्रपट १२ सदस्यीय जुरी मंडळाने निवडला.
