सुनीता विल्यम्स नऊ महिन्यांनंतर पुढील आठवड्यात पृथ्वीवर परतणार

अवकाशयान आयएसएसमध्ये दाखल

नासामधील भारतीय वंशाच्या अंतराळवीर सुनीता विल्यम्स आणि त्यांचे सहकारी बुच विल्मोर केवळ आठ दिवसांसाठी बोईंग स्टारलायनरच्या चाचणी मोहिमेसाठी, आंतरराष्ट्रीय अंतराळ केंद्र म्हणजेच इंटरनॅशनल स्पेस स्टेशनमध्ये (आयएसएस) गेले होते. परंतु, त्यांना अंतराळात जाऊन आता नऊ महिने उलटून गेले तरी ते अद्याप परत आलेले नाहीत. त्यांच्या अवकाशयानात बिघाड झाल्यामुळे त्यांना तिथेच थांबावे लागले आहे. या दोन्ही अंतराळवीरांना परत आणण्यासाठी स्पेसएक्स या कंपनीने पाठवलेले स्पेस क्राफ्ट क्रू-10 हे अवकाश यान काल रविवारी दुपारी आयएसएसमध्ये दाखल झाले. या अवकाश यानातून एकूण चार अंतराळवीर व इतर कर्मचारी गेले आहेत. बुधवारी परतीचा प्रवास क्रू-10 वरील अंतराळवीरांनी आंतरराष्ट्रीय अंतराळ केंद्रात काही वेळ संशोधन केल्यावर ते विल्यम्स व विल्मोर यांनी केलेले संशोधन व माहिती ताब्यात घेतील. त्यानंतर 19 मार्च रोजी विल्यम्स व विल्मोर या दोघांना घेऊन परतीचा प्रवास सुरू करतील. 21 ते 23 मार्चच्या दरम्यान सर्व सहाही अंतराळवीर पृथ्वीवर परततील. परतीचा प्रवास सुरू केल्यानंतर त्यांचं अंतराळयान अंटलांटिक महासागरात उतरवले जाण्याची शक्यता आहे.