मुड्डावाडा-आसगांव येथे झाडाची फांदी तोडताना ती फांदी तुटून वीजेच्या वायरवर पडली आणि ती वायर झाडाची फांदी तोडणारा सोनू रमेश चव्हाण (२२) या युवकाला लागल्याने त्या वीजेच्या स्पर्शाने तो जागीच ठार झाला. ही घटना काल २१ रोजी संध्याकाळी ४ वा. घडली. सदरच्या झाडाची फांदी ही जवळच असलेल्या जीवंत वीजेच्या तारांवर पडली आणि ती वायर झाडावर असलेल्या सोनू चव्हाण याला स्पर्श झाल्याने तो मृतावस्थेत झाडावरच राहिला. त्यानंतर तेथील काहीनी वायर वर लाकूड टाकून त्याच्यापासून दूर केली आणि त्याला खाली उतरविले. याची माहिती म्हापसा पोलिसांना देताच पोलीस उपनिरीक्षक सदाशिव हन्सीकुट्टी यांनी घटनास्थळी जाऊन पंचनामा केला व सोनू चव्हाण याला म्हापसा येथील जिल्हा इस्पितळात आणले असता डॉक्टरांनी त्याला मृत झाल्याचे घोषित केले. मयत सोनू चव्हाण हा मूळ गदग-कर्नाटक येथील असून सध्या तो मुड्डावाडा-आसगांव येथे राहत होता.
