राज्य विधानसभेत आमदार विजय सरदेसाई यांनी राज्य सरकारकडून कामकाज हाताळण्यासाठी गोवा विधानसभेचे कामकाज नियम वारंवार निलंबित करण्यात येत असल्याच्या प्रकाराबाबत काल प्रश्न उपस्थित करून नापसंती व्यक्त केली.
विधानसभेचे कामकाज नियम वरच्या वर निलंबित करून कामकाज घेणे योग्य नव्हे. राज्य सरकारकडून कामकाज हाताळण्यासाठी विधानसभेचे कामकाज नियम निलंबित करण्याच्या निर्णयाबाबत कामकाज सल्लागार समितीच्या बैठकीत चर्चा केली जात नाही. तथापि, राज्य सरकार कामकाज घाईघाईत पूर्ण करण्यासाठी विधानसभेचे कामकाज नियम वरच्यावर निलंबित करीत आहे. राज्यपालांच्या अभिभाषणावरील चर्चा आणि अर्थसंकल्पावरील चर्चा त्याच वेळी झाली पाहिजे, अशी मागणी सरदेसाई यांनी केली.
विधानसभेच्या पुढील वर्षीच्या अधिवेशनात राज्यपालाच्ंया अभिभाषणावरील चर्चा आणि अर्थसंकल्पावरील चर्चा त्या त्या वेळी केली जाईल, अशी ग्वाही मुख्यमंत्री डॉ. प्रमोद सावंत यांनी दिली.
