प्रयागराज येथील महाकुंभमेळा परिसरात संत आणि ऋषीमुनींनी काल प्रजासत्ताक दिन साजरा केला. आखाड्यांसह सर्व साधू-संतांच्या शिबिरात तिरंगा फडकवण्यात आला. यावेळी सर्वांनी मिळून राष्ट्रगीतही गायले. श्री पंच दशनम जुना आखाड्याचे जगद्गुरू गर्गाचार्य मुचकुंद पीठाधीश्वर स्वामी महेंद्रानंद गिरी महाराज व महामंडलेश्वर स्वामी जयंबानंदगिरी जुनागड यांच्या उपस्थितीत ध्वजारोहण झाल्यानंतर शेकडो संतांनी हातात तिरंगा घेऊन मिरवणूक काढली. यावेळी त्यांनी ‘वंदे भारत’चा नारा दिला.
