सांतइनेज पणजी येथील हमारा स्कूलच्या संस्थापक तथा सामाजिक कार्यकर्त्या श्रीमती मंगला वागळे (८८ वर्षे) यांचे मुंबईत काल निधन झाले.
समाजातील उपेक्षित, गरीब मुलांना शिक्षणाची सुविधा उपलब्ध करून देण्यासाठी मंगला वागळे यांनी हमारा स्कूलची स्थापना केली होती. तसेच कस्तुरबा गांधी नॅशनल मेमोरियल ट्रस्टच्या गोवा प्रमुख म्हणून कार्य केले. मंगला वागळे यांचा जन्म काणकोण तालुक्यात झाला. वास्को येथे शिक्षण घेतले. शिक्षण घेतल्यानंतर मुंबईला गेल्या. मुंबईतील वास्तव्यात मासळी व्यवसायात चांगला जम बसविला होता. मासळी मार्केटमध्ये लहान मुले प्लॅस्टिक पिशव्या व इतर काम करीत असल्याचे त्याना आढळून आले. ही मुले शिक्षणाच्या संधीपासून वंचित होती.
