>> पंतप्रधान नरेंद्र मोदी यांचे प्रतिपादन
>> नवी दिल्लीत भाजपच्या राष्ट्रीय अधिवेशनाचा समारोप
आज विरोधी पक्षाचे नेतेही राष्ट्रीय लोकशाही आघाडी 400 जागांचा टप्पा पार करेल असे म्हणत आहेत. रालोआला 400 चा टप्पा पार करण्यासाठी भाजपला 370 चा टप्पा पार करावा लागेल. असे प्रतिपादन काल पंतप्रधान नरेंद्र मोदी यांनी केले. भारतीय जनता पक्षाच्या दोन दिवसीय राष्ट्रीय अधिवेशनाचा रविवारी समारोप झाला. दिल्लीतील प्रगती मैदानावरील समारोपाच्या सत्राला पंतप्रधान मोदींनी उपस्थितांना संबोधित केले.
पुढे बोलताना मोदी यांनी, भाजपचे कार्यकर्ते 24 तास देशाच्या सेवेत गुंतलेले आहेत. पण त्यांना येणारे 100 दिवस नव्या ऊर्जेने आणि नव्या उमेदीने काम करायचे आहे असे सांगितले.
देशसेवेसाठी बहुतांश जागा
पुढील 100 दिवस प्रत्येक नवीन मतदार, प्रत्येक लाभार्थी, प्रत्येक वर्ग, प्रत्येक समाज, प्रत्येकापर्यंत पोहोचले पाहिजे. सर्वांचा विश्वास संपादन करावा लागेल. देशसेवेसाठी सर्वजण प्रयत्नशील राहतील आणि भाजपला जास्तीत जास्त जागा मिळतील असा विश्वास त्यांनी व्यक्त केला. भाजपचे कार्यकर्ते सत्तेत राहूनही समाजासाठी काम करत असल्याचे मोदी म्हणाले.
पुढे बोलताना मोदी यांनी, आपल्याला भारत विकसित करायचा आहे. पुढील 5 वर्षांत भारताला पूर्वीपेक्षा कितीतरी पटीने वेगाने काम करायचे आहे. येत्या 5 वर्षात आपल्याला विकसित भारतासाठी मोठी झेप घ्यायची आहे असे सांगितले.
शतकानुशतके प्रलंबित असलेले प्रश्न सोडविण्याचे धाडस आम्ही दाखवले. अयोध्येत राम मंदिर उभारण्यासाठी 5 शतके वाट पाहिली. 500 वर्षांनंतर गुजरातमध्ये सोन्याचा झेंडा फडकला, 7 दशकांनंतर देशाला कलम 370 मधून स्वातंत्र्य मिळाले, 6 दशकांनंतर राजपथ कर्तव्याचा मार्ग झाला, 4 दशकांनंतर वन रँक-वन पेन्शन, 3 दशकांनंतर महिलांना आरक्षण मिळाले. आम्ही तिहेरी तलाकचा कायदा केला, नवी संसद स्थापन केली असे मोदी यांनी यावेळी सांगितले. यावेळी मोदी यांनी, जैन धर्मगुरू विद्यासागरजी महाराज यांच्या निधनामुळे शोक व्यक्त केला.
तत्पूर्वी, गृहमंत्री अमित शहा यांनी पंतप्रधान नरेंद्र मोदी यांच्या 10 वर्षांतील कामगिरी, रामलल्लाची प्राणप्रतिष्ठा, काँग्रेस, राहुल गांधींची घराणेशाही, भ्रष्टाचार, इंडिया आघाडी याविषयी सांगितले. इंडिया आघाडीवर टीका करतानशहा यांनी, विरोधी पक्षांची ही युती केवळ 7 कुटुंबांची युती आहे. त्यांना फक्त आपल्या कुटुंबाची काळजी आहे असल्याचे सांगितले. मोदी सरकारच्या काळात सुरक्षा धोरण आणि परराष्ट्र धोरण दोन्ही मजबूत झाले आहेत. हे शेतकरी आणि गरीब मजुरांचे सरकार आहे. देशाची सुरक्षा ही पहिली प्राथमिकता आहे. पंतप्रधान मोदींच्या नेतृत्वाखाली शेतकऱ्यांचे कल्याण झाले आहे. काँग्रेस आणि भारत आघाडीने दलित, आदिवासी आणि मागास समाजाचा व्होट बँक म्हणून वापर केला, पण त्यांना सन्मान आणि सहभाग देण्याचे काम पहिल्यांदाच भाजपच्या मोदी सरकारने केले. रामजन्मभूमीवर रामलल्लाची प्राणप्रतिष्ठा केल्याबद्दल पंतप्रधान नरेंद्र मोदी यांचे अभिनंदन करताना, भाजप अध्यक्ष जे. पी. नड्डा यांनी श्रीराम मंदिराच्या निर्मितीवर प्रस्ताव मांडला.
अध्यक्षपदी नड्डा कायम
आगामी लोकसभा निवडणुकीत विजय मिळवण्यासाठी भाजपकडून जोरदार प्रयत्न केले जात आहेत. यादरम्यान भाजपचे विद्यमान अध्यक्ष जे. पी. नड्डा यांचा कार्यकाळ पुन्हा वाढवण्यात आला आहे. आता ते जून 2024 पर्यंत पक्षाच्या अध्यक्षपदी राहतील. भाजपच्या अधिवेशनात या प्रस्तावाला मंजुरी देण्यात आली असून आता 2024 ची लोकसभा निवडणूक जिंकण्याची जबाबदारी नड्डा यांच्या खांद्यावर असणार आहे. गेल्या वर्षीही पक्षाने त्यांच्या अध्यक्षपदावर विश्वास व्यक्त केला होता, आता पुन्हा एकदा त्यांना संधी देण्यात आली आहे.
