केरी येथून बेकायदेशीरपणे गुरांची वाहतूक करणारा पिकअप गोप्रेमींच्या सतर्कतेमुळे पकडण्यात आले. काल सकाळी मोहसीम अहमद खान (केरी सत्तरी) हा जीए ०४ टी ०२१४ या क्रमांकाच्या पिकअपमधून सहा बैलांना घेऊन जात होता. वाळपई पोलिसांनी पिकअप चालकास अटक केली. परवा रात्री जीए ०३ टी ८८९९ क्रमांकाचा पिकअप गुरांची बेकायदेशीर वाहतूक करीत असल्याचा संशय गोप्रेमींना मिळताच खडकी नाक्यावर गोरक्षा अभियानाचे प्रमुख हनुमंत परब, लक्ष्मण जोशी व इतरांनी तो अडवली असता वाहनात चार बैल होते. त्यानंतर वाहनासह बैलांना वाळपई पोलिसांनी ताब्यात घेतले होते.
या प्रकरणी वाहन मालक अशोक गावकर ठाणे सत्तरी, प्रकाश नाईक व संदीप बेळेकर यांना ताब्यात घेण्यात आले. त्यामुळे परवा व काल मिळून चार जणांना ताब्यात घेतले आहे.
दरम्यान, काल डिचोली उपजिल्हाधिकारी बिजू नाईक यांच्या उपस्थितीत गोप्रेमी व मुस्लिम नेते यांच्यात संयुक्त बैठक घेण्यात आली. बैठकीत न्यायालयीन आदेशाचे पालन करण्याची सूचना करण्यात आली.
