गोवा माध्यमिक आणि उच्च माध्यमिक शिक्षण मंडळाने जेईई -२०२२ परीक्षेमुळे एप्रिल २०२२ मध्ये होणार्‍या बारावी परीक्षेच्या तीन पेपरच्या तारखांमध्ये बदल केला आहे. राज्यातील बारावीची दुसर्‍या सत्रातील परीक्षा ५ एप्रिल २०२२ पासून सुरू होत आहे. नव्या सुधारित वेळापत्रकानुसार जीवशास्त्र आणि भूविज्ञान या विषयाची परीक्षा १६ एप्रिल, संगणक विज्ञान विषयाची परीक्षा १९ एप्रिल आणि मराठी भाषा-२ विषयाची परीक्षा २० एप्रिल २०२२ रोजी घेतली जाणार आहे. दरम्यान, शालांत मंडळाने शाळांच्या प्रमुखांना दहावी आणि बारावीच्या विद्यार्थ्यांचे अंतर्गत मूल्यांकन गुण आणि क्रीडा योग्यता गुण १० एप्रिल २०२२ पर्यंत वेब पोर्टलवर अपलोड करण्याची सूचना केली आहे.
