फर्मागुडी येथे जी. व्ही. एम. महाविद्यालयाजवळ असलेल्या वाहतूक बेटानजिक झालेल्या अपघातात संकेत संतोष सतरकर हा कोने प्रियोळ येथील युवक ठार झाला. तर किरण नाईक (बांदोडा) हा युवक गंभीर जखमी असून त्याच्यावर गोमेकॉत उपचार चालू आहे. काल संध्याकाळी ४ वा. हा अपघात झाला. जीए ०७ एम ९४९९ या दुचाकीने संकेत व किरण हे दोघेजण जात असताना एका जड वाहतूक करणार्या वाहनाने त्यांच्या दुचाकीला धडक दिली. फोंड्याचे पोलीस हवालदार विनोद साळुंखे यांनी पंचनामा केला व सदर वाहनाचा शोध सुरू केला आहे.
