तीन सिलिंडरचा स्फोट, 50 तंबू जळून खाक
प्रयागराजमधील महाकुंभ मेळा परिसरात दुपारी साडेचार वाजता आग लागली. शास्त्री पुलाजवळील सेक्टर 19 मधील गीता प्रेस कॅम्पमध्ये ही आग लागली. आगीत गीता प्रेसच्या 180 कॉटेज जळून खाक झाल्या. तसेच आगीत 50 तंबू जळाले. तसेच एका संन्याशाच्या एक लाख रुपयांच्या नोटाही जळाल्या.
अधिकाऱ्यांच्या म्हणण्यानुसार, स्वयंपाक करताना सिलिंडरचा स्फोट झाला. यानंतर तीन सिलिंडरचा स्फोट झाला. आग विझविण्यासाठी अग्निशामक दलाच्या 12 गाड्या पाठवण्यात आल्या. अग्निशमन दलाने सुमारे तासाभरात आग आटोक्यात आणली.
मुख्यमंत्री योगी आदित्यनाथ यांनी घटनास्थळी पोहोचून परिस्थितीचा आढावा घेतला. पंतप्रधान नरेंद्र मोदी यांनीही मुख्यमंत्री योगींना फोन करून घटनेची संपूर्ण माहिती घेतली. आगीच्या घटनेच्या काही काळापूर्वी मुख्यमंत्री योगींनी हेलिकॉप्टरमधून महाकुंभमेळा परिसराची पाहणी केली होती.
अग्निशामकच्या 50 चौक्या तैनात
महाकुंभ नगरीत अग्निशमन कार्यासाठी प्रगत वैशिष्ट्‌‍यांसह 4 आर्टिक्युलेटिंग वॉटर टॉवर्स तैनात करण्यात आले आहेत. यामध्ये व्हिडिओ-थर्मल इमेजिंग सारख्या प्रगत प्रणाली आहेत. बहुमजली आणि उंच तंबूंमध्ये आग विझवण्यासाठी याचा वापर केला जातो. थढ 35 मीटर उंचीपर्यंत आग विझवू शकते. महाकुंभमेळा परिसर अग्निमुक्त करण्यासाठी, येथे 350 हून अधिक अग्निशमन दल, 2000 हून अधिक प्रशिक्षित मनुष्यबळ, 50 अग्निशमन केंद्रे आणि 20 अग्निशमन चौक्या निर्माण करण्यात आल्या आहेत. आखाडे आणि तंबूंमध्ये अग्निसुरक्षा उपकरणे बसवण्यात आली आहेत.
