कोटकरवाडा पेडणे येथे काल रविवारी दुपारी दुचाकीची धडक वॅगन आर कारला बसल्याने न्हयबाग येथील दुचाकीस्वार जुवांव फर्नांडिस (७३) यांचे तुये इस्पितळात उपचारादरम्यान निधन झाले.
न्हयबाग येथील जुवांव फर्नांडिस हे आपल्या मोटरसायकलने (जीए ०३ ५४८४) कोरगावच्या रस्त्याने पेडणे येथे जात होते. कोटकारवाडा येथे वळणावर त्यांच्या दुचाकीची धडक पेडण्यावरून येणार्या वॅगन आर (जीए ०३ सी ९६५७) कारला बसली. त्यामुळे जुवांव यांच्या डोक्याला इजा झाली. त्यांना त्वरित तुये इस्पितळात नेण्यात आले. मात्र त्यांच्यावर उपचार चालू असताना त्यांचे निधन झाले. पेडणे पोलीस स्थानकाचे हवालदार पेलू तुयेकर यांनी अपघाताचा पंचनामा करून कार चालकावर गुन्हा नोंद केला आहे.
