जम्मू-काश्मीरच्या कुलगाम जिल्ह्यात गुरुवारी सकाळी सुरक्षा दल आणि दहशतवाद्यांमध्ये झालेल्या चकमकीत पाच दहशतवादी ठार झाले. तसेच यामध्ये सुरक्षा दलाचे दोन जवान जखमी झाल्याची माहिती समोर आली आहे. कुलगाम जिल्ह्यातील बेहीबाग भागातील कदेर येथे संशयित दहशतवादी असल्याची गुप्तचर माहिती मिळाल्यानंतर सुरक्षा दलांनी या भागात शोध आणि नाकाबंदी मोहीम सुरू केली होती. त्यावेळी चकमकीदरम्यान 5 दहशतवाद्यांना कंठस्नान घालण्यात आले.
