नुवे येथे पश्चिम बगल मार्गावर भरवेगाने व निष्काळजीपणे वाहन चालवत असताना दुचाकीला धडक दिल्याने दुचाकीस्वार पेट्रीक परेरा (४५) यांचा जागीच मृत्यू झाला. पेट्रीक हे नावेली येथील रहिवासी असल्याचे मायणा कुडतरी पोलिसांनी सांगितले.
काल रविवारी संध्याकाळी ७ च्या सुमारास हा अपघात झाला. कार जीए ०८ एम ८५२८ हिची धडक नुवे येथे स्कूटरचालक पेट्रीक यांच्या दुचाकीला बसली. या अपघातात दुचाकीचालक पेट्रीक यांचा मृत्यू झाला तर स्कूटरचे मोठ्या प्रमाणात नुकसान झाले. तसेच कारने पुढे जाऊन पाईपला धडक दिली. त्यामुळे कारचेही मोठ्या प्रमाणात नुकसान झाले.
