तिसवाडी आणि बार्देश तालुक्यातील दोन अल्पवयीन मुलींच्या अपहरणाची दोन प्रकरणे नोंद झाली आहेत.
पणजी पोलिसांनी तिसवाडी तालुक्यातील अल्पवयीन मुलीच्या अपहरण प्रकरणी अज्ञात व्यक्तीच्या विरोधात गुन्हा नोंद केला आहे. ही अपहरणाची घटना 26 नोव्हेंबरला संध्याकाळी 4 ते 6 यावेळेत घडली. या प्रकरणी पणजी पोलीस स्थानकाच्या उपनिरीक्षक सपना गावस तपास करीत आहेत. बार्देश तालुक्यात एका गावातील अल्पवयीन मुलीचे 27 नोव्हेंबर रोजी दुपारी 2 ते 4 यावेळेत अपहरण करण्यात आले. या प्रकरणी पोलिसांनी अज्ञात व्यक्तीच्या विरोधात गुन्हा दाखल करून तपासाला सुरुवात केली आहे. या प्रकरणी उपनिरीक्षक साईश किनळेकर तपास करीत आहेत.
