तेलंगणातील विधानसभेच्या 119 जागांसाठी 64.12 टक्के मतदान झाले. मतदानादरम्यान तीन ते चार ठिकाणी काँग्रेस, बीआरएस आणि भाजप कार्यकर्त्यांमध्ये झटापट झाली. काही ठिकाणी लाठीचार्जही झाला.आदिलाबादमध्ये मतदानासाठी आलेल्या टोकला गंगाम्मा (78) आणि राजन्ना (65) या दोन वृद्धांचा मृत्यू झाला. मतदानादरम्यान रांगेत उभ्या असलेल्या टोकला गंगाम्मा यांना हृदयविकाराचा झटका आला. रांगेत उभ्या असलेल्या राजन्ना यांना चक्कर आल्याने ते खाली पडले. रुग्णालयात नेत असतानाच त्यांचा मृत्यू झाला.
